თბილისში, სამღებროს ქუჩაზე ერთ კილოგრამამადე ნარკოტიკული საშუალება ჰეროინის შეძენა-შენახვის ბრალდებით ირანის მოქალაქე დააკავეს. შსს ცნობით, ბრალდებული ჩადენილ დანაშაულს აღიარებს.

გამოძიების მტკიცებით, დაკავებულს ქვეყანაში განსაკუთრებით დიდი ოდენობით, სხვადასხვა სახის ნარკოტიკული საშუალებები სისტემატიურად შემოჰქონდა და მის რეალიზაციას საქართველოს ტერიტორიაზე, ძირითადად ფონიჭალაში ახორციელებდა.

გამოძიება განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ფაქტზე მიმდინარეობს, საქართველოს სსკ-ს 260-ე მუხლის მე-6 ნაწილის „ა“ ქვეპუნქტით, რაც რვიდან ოც წლამდე ვადით ან უვადო თავისუფლების აღკვეთას ითვალისწინებს.