შინაგან საქმეთა სამინისტრომ საქართველოს ბანკის ფილიალის დაყაჩაღების ბრალდებით თბილისში ორი პირი დააკავა:

"სამართალდამცველებმა ბრალდებულები მომხდარიდან რამდენიმე საათში, ცხელ კვალზე დააკავეს. პოლიციამ გატაცებული თანხის ნაწილი ნივთმტკიცებად ამოიღო," - აცხადებს შსს.

გამოძიების მტკიცებით, ბრალდებულები თბილისში, ქინძმარაულის ქუჩაზე მდებარე საქართველოს ბანკის ექსპრეს ფილიალში შეიჭრნენ, მოლარე-ოპერატორს ცეცხლსასროლი იარაღის მუქარით 3 900 ლარი გასტაცეს და შემთხვევის ადგილიდან მიიმალნენ.

ბრალის დამტკიცების შემთხვევაში, დანაშაული რვიდან თორმეტ წლამდე ვადით თავისუფლების აღკვეთას ითვალისწინებს.

გამოძიება საქართველოს სსკ-ს 179-ე მუხლის მე-3 ნაწილით მიმდინარეობს. დანაშაული რვიდან თორმეტ წლამდე ვადით თავისუფლების აღკვეთას ითვალისწინებს.