საქართველოს საგარეო საქმეთა სამინისტროს განცხადებით, თურქული მხარე ამ ეტაპზე დაღუპულთა და დაშავებულთა შორის საქართველოს მოქალაქეების არსებობას არ ადასტურებს.

ათათურქის სახელობის აეროპორტში მომხდარ აფეთქებასთან დაკავშირებით საქართველოს გენერალურ საკონსულოში მოქმედებს ცხელი ხაზი: (+90 541) 818 44 00.

სტამბოლში საქართველოს გენერალური საკონსულო მუდმივ კავშირზეა თურქეთის საგანგებო სიტუაციებზე პირველადი რეაგირების ჯგუფთან.

28 ივნისს, ადგილობრივი დროით 22:15 საათზე, ათათურქის სახელობის აეროპორტში ორი აფეთქება მოხდა, რომელსაც წინ სროლის ხმა უძღოდა. აეროპორტში მობილიზებულია პოლიცია და სასწრაფო დახმარების მანქანები. სხვადასხვა ინფორმაციით, დაღუპულთა რაოდენობა 30–ს აღწევს, დაშავებულია 60–მდე ადამიანი.

ათათურქის აეროპორტში შეწყვეტილია თითქმის ყველა რეისი, მათ შორის თბილისიდან. თურქეთის ავიახაზების თბილისი–სტამბოლის ერთ–ერთი რეისი ანკარის აეროპორტისკენ გადაამისამართეს.