თბილისის ყოფილი მერის, დავით ნარმანიას თქმით, პარლამენტი სემეკში წევრობის მის კანდიდატურას მხარს დაუჭერს. მხარდაჭერის შემთხვევაში ნარმანია კომისიის წევრი ექვსი წლის განმავლობაში იქნება.

გუშინ, 14 დეკემბერს, გიორგი მარგველაშვილმა ნარმანია სემეკის წევრობის ერთ-ერთ კანდიდატად დაასახელა. პრეზიდენტის ადმინისტრაციის ხელმძღვანელის, გიორგი აბაშიშვილის თქმით, მთავრობის მხრიდან საქართველოს პრეზიდენტს ეთხოვა დავით ნარმანიას კანდიდატურის ნომინირება.

ერთიანი ნაციონალური მოძრაობის განმარტებით, ისინი არ აპირებენ ნარმანიას კანდიდატურის მხარდაჭერას.

ამ ეტაპზე სემეკის წევრობის ორი პოზიცია არის ვაკანტური. დავით ნარმანიასთან ერთად გოჩა შონიას კანდიდატურაც არის დასახელებული.