შინაგან საქმეთა სამინისტროს თანამშრომლებმა ერთი პირი განსაკუთრებით დიდი ოდენობის ნარკოტიკული საშუალების შეძენა-შენახვის ბრალდებით დააკავეს. უწყების ინფორმაციით, პირს 6,07 გრამი ჰეროინი აღმოაჩნდა.

"ნარკოლოგიური შემოწმების შედეგად დადგინდა, რომ პირი დაკავებისას ნარკოტიკული საშუალების ზემოქმედების ქვეშ იმყოფებოდა", - ამბობენ შსს-ში და დასძენენ, რომ დაკავებულმა დანაშაული აღიარა.

საქმეზე გამოძიება სისხლის სამართლის კოდექსის 260-ე მუხლის "ა" ქვეპუნქტით მიმდინარეობს. ამ მუხლით, განსაკუთრებით დიდი ოდენობით ნარკოტიკული საშუალების უკანონოდ შეძენა-შენახვა ისჯება რვიდან ოც წლამდე ვადით ან უვადო თავისუფლების აღკვეთით.