ეროვნული ბანკის ყოფილი პრეზიდენტი, გიორგი ქადაგიძე, ილიას სახელმწიფო უნივერსიტეტის ბიზნესის სკოლის დეკანის მოვალეობის შემსრულებლად აირჩიეს. აღნიშნული, გადაწყვეტილება ბიზნესს სკოლის საბჭომ დღეს, 4 დეკემბერს მიიღო, ინფორმაცია კი, უნივერსიტეტის ვებგვერდზე გამოქვეყნდა.

ქადაგიძემდე ბიზნესის სკოლის დეკანის თანამდებობას ნინო პატარაია იკავებდა, რომელიც ახლა მუშაობას კვლევითი ცენტრის ხელმძღვანელის პოზიციაზე აგრძელებს.

2016 წლიდან ქადაგიძე ილიაუნის ბიზნესს სკოლის სრული პროფესორია. 2009-2016 წლებში ქადაგიძე ეროვნული ბანკის პრეზიდენტი იყო. წლების განმავლობაში ის, სხვადასხვა საჯარო მოხელის პოზიციას იკავებდა - იყო თბილისის მერიის საფინანსო სამსახურის უფროსი და საქართველოს გენერალურ პროკურატურის ეკონომიკური დეპარტამენტის ხელმძღვანელი.

საჯარო სამსახურის გარდა, ქადაგიძე სხვადასხვა დროს მუშაობდა საერთაშორისო სავალუტო ფონდის მმართველად, ევროპის რეკონსტრუქციისა და განვითარების ბანკის ალტერნატიული მმართველად და საქართველოს მხრიდან შავი ზღვის ვაჭრობისა და განვითარების ბანკის მმართველად.

2001 წელს გიორგი ქადაგიძემ ბიზნესის მართვის ევროპული სკოლა ადმინისტრირების სპეციალობის მიმართულებით დაამთავრა, იმავე წელს მას მიენიჭა აშშ-ს პრინსტონის უნივერსიტეტის ბაკალავრის ხარისხიც.