შვეიცარიის კონფედერაციის პრეზიდენტის ოფიციალური ვიზიტი საქართველოში 3-4 დეკემბერს შედგება. ამის შესახებ საქართველოს პრეზიდენტის ადმინისტრაცია ავრცელებს განცხადებას.

დორის ლოიტჰარდის მიღების ოფიციალური ცერემონია საქართველოს პრეზიდენტის სასახლეში 4 დეკემბერს გაიმართება.

ადმინისტრაციის ცნობით, საქართველოს და შვეიცარიის პრეზიდენტები გამართავენ შეხვედრებს, როგორც პირისპირ, ასევე გაფართოებულ ფორმატებში დელეგაციების თანხლებით, რის შემდეგაც ქართველი და უცხოური მედიისათვის განცხადებებს გააკეთებენ.

შვეიცარიის პრეზიდენტი ოფიციალური ვიზიტის ფარგლებში ასევე შეხვდება საქართველოს პრემიერმინისტრს და პარლამენტის თავმჯდომარეს.