საქართველოს მართლმადიდებელი ეკლესიის დელეგაცია მოსკოვში გაემგზავრა. დელეგაცია რუსეთში პატრიარქობის აღდგენის 100 წლის იუბილისადმი მიძღვნილ ღონისძიებებს დაესწრება.

დელეგაციას პატრიარქის ქორეპისკოპოსი, ახალციხისა და ტაო-კლარჯეთის მიტროპოლიტი თეოდორე ჭუაძე ხელმძღვანელობს. დელეგაციის შემადგენლობაში, ასევე, შედიან საპატრიარქოს საგარეო საქმეთა განყოფილების თავმჯდომარე, ზუგდიდისა და ცაიშის მიტროპოლიტი გერასიმე და ნიკორწმინდელი ეპისკოპოსი ვახტანგი.

მეუფე თეოდორეს განმარტებით, შეხვედრაზე ისინი ცხინვალისა და აფხაზეთის საკითხს დააყენებენ:

"საუბარი აუცილებელია, ნებისმიერ მხარესთან, რომელსაც შეუძლია რაიმე დადებითი ზეგავლენა მოახდინოს ჩვენს ურთიერთობაზე".

გავრცელებული ინფორმაციით, ჯანმრთელობის მდგომარეობის გამო ვერ მიდის პატრიარქი ილია მეორე და ვიზიტში მონაწეილობას არ მიიღებს არც მისი მოსაყდრე, მეუფე შიო მუჯირი.