9 წლის ოდრი ნეთერი უკვე დიდი ხანია ინტერნეტის ვარსკვლავია და თუ კარგ ხასიათზე დადგომა გსურთ, ამისთვის ფეისბუკზე ან იუთუბზე მისი ერთი ვიდეოს ყურებაც კმარა.

ცოტა ხნის წინ, ოდრის საყვარელი თოჯინა, ელეონორა, 2 წლის გახდა და პატარა გოგომ გადაწყვიტა, მისთვის შესაფერისი დაბადების დღე გადაეხადა.

ელეონორას დაბადების დღე ოდრისთან ერთად მისი ოჯახის წევრებმაც აღნიშნეს და თოჯინას მინი "ტორტი" მოუმზადეს.

ვიდეოში ჩანს, რომ ელეონორა სანთლებს "აქრობს" და შემდეგ, ოდრის დაჟინებული თხოვნით, დაბადების დღის ტორტსაც "მიირთმევს".

თოჯინებისთვის დაბადების დღის გადახდა ოდრის ტრადიციაა. მან 2015 წელს თავის 1 წლის თოჯინა ბიტისაც აღუნიშნა ეს მნიშვნელოვანი დღე.

ოდრის სისხლის იშვიათი დაავადება, დაიმონდ-ბლაქფენ ანემია [DBA] აქვს. მისი მშობლები ოდრის ცხოვრებას მილიონობით გამომწერს აჩვენებენ, რითიც დაავადების შესახებ ცნობიერების ამაღლებას უწყობენ ხელს.