წინასაახალწლო სეზონი ოფიციალურად გახსნილია. Sia-მ ახალი საშობაო კლიპი, Santa's Coming For Us, გამოუშვა, რომელშიც კრისტენ ბელი და დაქს შეპარდი დიდ ოჯახში ცოლ-ქმარის როლს ასრულებენ.

კლიპში ასევე ნახავთ Stranger Things-ის მსახიობს კალებ მაკლაფლინს და It-ის მსახიობებს სოფია ლილისა ვაიატ ოლეფს.

კლიპი თავიდან შავ-თეთრია, კრისტენ ბელი კიბეებზე სიმღერ-სიმღერით ჩამოდის, ოჯახის წევრებსა და ნათესავებს ეგებება, რა დროსაც ვიდეო ფერადდება. მოგვიანებით სახლში მთავარი გმირი, სანტაც მოდის, რომლის როლსაც ჯ. ბ. სმუვი ასრულებს.

17 ნოემბერს ავსტრალიელმა მომღერალმა პირველი საშობაო ალბომი, Everyday Is Christmas, გამოუშვა.