სახელმწიფო უსაფრთხოების სამსახურის ადმინისტრაციის ხელმძღვანელის, ნინო გიორგობიანის ცნობით, სპეცოპერაციის ადგილზე იმყოფებიან სახელმწიფო უსაფრთხოების სამსახურისა და შინაგან საქმეთა სამინისტროს ხელმძღვანელი პირები.

ის მოსახლეობას მოუწოდებს მაქსიმალურად შეიკავონ თავი სპეცოპერაციის ტერიტორიაზე გადაადგილებისგან და დაემორჩილონ სამართალდამცველთა მითითითებებს.

ოპერაციის მიმდინარეობის შესახებ დეტალებზე სახელმწიფო უსაფრთხოების სამსახური დეტალურად არ საუბრობს. ისინი აცხადებენ, რომ დამატებითი ინფორმაცია სპეცოპერაციის დასრულების შემდეგ გავრცელდება.

უწყების წარმომადგენელი განმარტავს, რომ სპეცოპერაციის ადგილის მიმდებარე ტერიტორიაზე მცხოვრები მოსახლეობის უსაფრთხოება დაცულია.

ისანში მიმდინარე სპეცოპერაციის შედეგად დაკავებულია ერთი პირი. დაჭრილია სპეციალური დანიშნულების რაზმის წარმომადგენელი, რომლის ჯანმრთელობის მდგომარეობა მძიმეა.

თბილისში, ისანში, ბერი გაბრიელ სალოსის გამზირზე, სპეცოპერაცია თითქმის 21 საათია ტარდება.