თანამედროვე სმარტფონების ერთ-ერთი მთავარი მინუსი ისაა, რომ ონლაინში საყვარელი მუსიკის მოსმენა ინტერნეტის მეგაბაიტებს დაუნდობლად ისრუტავს. ამის შესახებ თითქმის ყველა წუწუნებს და ტელეფონების მწარმოებლებს გამუდმებით სთხოვენ ამ პრობლემის მოგვარებას. ახალი თაობის მობილურები ყოველწლიურად გამოდის, მაგრამ ეს საკითხი მაინც გადაუჭრელი რჩება.

საბედნიეროდ არსებობენ კომპანიები, რომლებიც გულისყურით უსმენენ ადამიანების მაჯისცემას და ჩვენი ცხოვრების გამარტივებას ცდილობენ. VEON-ის აპლიკაცია საქართველოში არც თუ დიდი ხნის წინ გამოჩნდა და ქართველ მომხმარებლებში უკვე დიდი პოპულარობით სარგებლობს.

რა არის VEON?

VEON ახალი პერსონალური ინტერნეტ სივრცეა, რომლითაც შეგიძლიათ დარეკოთ, იჩეთავოთ, დაუკავშირდეთ მეგობრებს, გაუზიაროთ ფოტოები და ვიდეოები, უყუროთ ვიდეოს და აღმოაჩინოთ ტრენდული ამბები. რაც მთავარია, ამ ყველაფრის გაკეთება უფასოდ არის შესაძლებელი.

კიდევ ერთი მნიშვნელოვანი რამ, რისი გაკეთებაც VEON-ის საშუალებით შეგიძლიათ, საყვარელი მუსიკის ონლაინში მოსმენაა, თანაც უფასოდ. ამისათვის საჭიროა გადმოწეროთ აპლიკაცია და რეგისტრაციის შემდეგ Deezer-ის არხი გამოიწეროთ. მხოლოდ Veon-ის მომხმარებლები შეძლებენ, 90 დღის განმავლობაში, Deezer-ის საშუალებით, მუსიკის უფასოდ მოსმენას.

რა არის Deezer-ი?

Deezer-ი მუსიკალური ფლეიერია, რომელიც 2007 წელს, პარიზში შეიქმნა. პროგრამა მოიცავს ისეთი კომპანიების მიერ ჩაწერილ ჰიტებსა და ალბომებს, როგორიცაა EMI, Sony, Universal Music Group, Warner Music და სხვ. ამ დროისთვის დიზერი 40 მილიონზე მეტ ლიცენზირებულ სიმღერას აერთიანებს. ასევე, მისი საშუალებით, 30 000-ზე მეტი რადიო სიხშირის მოსმენა შეგიძლიათ. დიზერს მსოფლიოს მასშტაბით 16 მილიონამდე ადამიანი იყენებს.

როგორ მოვუსმინოთ მუსიკას უფასოდ Deezer-ში?

იმისთვის, რომ მუსიკას უფასოდ მოუსმინოთ, აუცილებელია გადმოიწეროთ VEON-ის აპლიკაცია და დარეგისტრირდეთ. აპლიკაციის გადმოწერა შესაძლებელია როგორც Android, ისე iOS სისტემებზეც. აპლიკაციის დაინსტალირება სრულიად უფასოა და მისით სარგებლობა ნებისმიერ ქსელში ჩართულ ადამიანებს შეუძლიათ.

ამის შემდეგ, აუცილებელია, რომ გამოიწეროთ Deezer-ის არხი. მომდევნო ეტაპი ექსკლუზიური შემოთავაზების გააქტიურებაა, რის შემდეგაც Deezer-ზე უნდა დარეგისტრირდეთ.

ამ გზით, თქვენ სამი თვის განმავლობაში უფასოდ შეძლებთ სასურველი მუსიკის მოსმენას თქვენს სმარტფონში. აღსანიშნავია, რომ მხოლოდ VEON-ის მომხმარებლები სარგებლობენ ამ პრივილეგიით.

ყველა საჭირო ეტაპის გავლის შემდეგ, თქვენ შეგიძლიათ გადმოწეროთ Deezer-ის აპლიკაცია და პირდაპირ აპის საშუალებით მოუსმინოთ თქვენს რჩეულ მუსიკას.

VEON-ის სხვა ფუნქციების სანახავად შეგიძლიათ აპლიკაციის ოფიციალურ გვერდს ეწვიოთ.