ოპერატიული ინფორმაციის საფუძველზე, ცეცხლსასროლი იარაღის და საბრძოლო მასალის უკანონო შეძენა-შენახვის და ტარების ბრალდებით, ლენტეხში ერთი პირი დააკავეს.

შსს-ს ცნობით, სამართალდამცველებმა, ბრალდებულის ავტომანქანის ჩხრეკისას ამოიღეს "აკს"-ის და "აკმ"-ის მოდელების 2 ავტომატური ცეცხლსასროლი იარაღი, 6 მჭიდი, 145 საბრძოლო ვაზნა, "საიგას" მოდელის და "სვდ"-ს ტიპის 2 შაშხანა.

გამოძიება საქართველოს სსკ-ს 236-ე მუხლის მე-2 და მე-3 ნაწილებით მიმდინარეობს, რაც ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვას გულისხმობს.