ქრთამის აღების და სამსახურებრივი უფლებამოსილების ბოროტად გამოყენების ბრალდებით, მარტვილის გამგეობის საფინანსო-საბიუჯეტო და ინფრასტrუქტურის, ურბანული განვითარებისა და არქიტექტურის სამსახურების ხელმძღვანელი პირები დააკავეს.

ფინანსთა სამინისტროს საგამოძიებო სამსახურის ინფორმაციით, ბრალდებულებმა არაკანონიერი მატერიალური სარგებლის მიღების მიზნით, ერთ-ერთი კომპანიის წარმომადგენელს სამუშაოების მოცულობის ხელოვნურად გაზრდის და ვითომდა შესრულებული სამუშაოების დადასტურების სანაცვლოდ თანხა გამოართვეს.

გამოძიება საქართველოს სსკ-ს 332-ე და 338-ე მუხლების პირველი ნაწილებით მიმდინარეობს. უწყების ცნობით, ამ ეტაპზე ტარდება შესაბამისი ღონისძიებები დანაშაულში მონაწილე სხვა პირების დადგენა-მხილების მიზნით.