ბერნი სანდერსი ამერიკის 2016 წლის საპრეზიდენტო არჩევნებში ხმას თავის თანაპარტიელ ჰილარი კლინტონს მიცემს. ამის შესახებ მან MSNBC-სთან ინტერვიუში განაცხადა.

დემოკრატი სანდერსის გადაწყვეტილების მიზეზი რესპუბლიკელი დონალდ ტრამპის დამარცხებაა.

„ვფიქრობ, რომ თუ ტრამპს აირჩევენ, ეს ძალიან ბევრი მიმართულებით კატასტროფა იქნება ქვეყნისთვის. ჩვენ არ გვჭირდება პრეზიდენტი, რომლის კამპანიის ქვაკუთხედი ფანატიზმი, ლათინო-ამერიკელების, მუსლიმებისა და ქალების შეურაცხყოფაა“ - ამბობს სანდერსი.