საქართველოს ახალგაზრდა იურისტთა ასოციაციის ინფორმაციით, ბორჯომის მე-7 და 27-ე, ასევე, ოზურგეთის 40-ე უბანზე ამომრჩეველი სამარშრუტო ტაქსებით და მანქანებით მიჰყავთ

საია-ს ცნობით, ბორჯომის ამავე უბნების და ყაზბეგის მე-2 უბნების გარეთ დაუდგენელი პირები არჩევნებზე მისულ ამომრჩეველს აღრიცხავენ.

ოზურგეთის მე-7 უბანზე კი, საია-ს ინფორმაციით, ქართული ოცნების დამკვირვებელი რვეულში ინიშნავს უბანზე მისული ამომრჩევლის სახელსა და გვარს.

საქართველოს ახალგაზრდა იურისტთა ასოციაცია 2017 წლის 12 ნოემბერს თვითმმართველი ქალაქის/თვითმმართველი მერის 2017 წლის 21 ოქტომბრის არჩევნების მეორე ტურს ქუთაისში, მარტვილში, ოზურგეთში, ხაშურში, ბორჯომში და ყაზბეგში აკვირდება. ამ დროისათვის, საარჩევნო დარღვევებზე საია-ს დამკვირვებლებმა წარადგინეს სულ 7 საჩივარი უბანზე, 3 - ოლქში და 15 შენიშვნა.