სექტემბერში მაილი საირუსმა The Sun-თან ინტერვიუში თქვა, რომ მას და ლაიამ ჰემსვორტს ქორწილთან დაკავშირებით გეგმები საერთოდ არ ჰქონდათ.

"საერთოდ არ მომწონს ქორწილები და სანამ ამ გადაწყვეტილებას მივიღებ, მინდა კიდევ უფრო დიდხანს ვიცხოვრო როგორც თავისუფალმა ადამიანმა", - ამბობდა მაშინ მაილი.

როგორც ტაბლოიდები წერენ, მაშინ საირუსმა მედია ერთ დიდ, ტყუილის აბლაბუდაში გაახვია, რადგან ის და ლაიამი არც მეტი, არც ნაკლები ნახევარი წლის წინ, აპრილში დაქორწინდნენ.

წყაროზე დაყრდნობით, გამოცემები წერენ, რომ ვარსკვლავური წყვილის ქორწილი მალიბუში, ძალიან ვიწრო წრეში შედგა.

ამ ფაქტს ამყარებს ისიც, რომ ივლისში მაილი, სავარაუდოდ, საქორწილო ბეჭდით პოზირებდა აუზზე.

☀️☀️☀️ pool daaaaaze

A post shared by Miley Cyrus (@mileycyrus) on

ამავდროულად ის და ჰემსვორტი პაპარაცებმა რამდენჯერმე გამოიჭირეს ბეჭდებით ქუჩაში სეირნობის დროს.

ამბობენ იმასაც, რომ ეს უბრალოდ ნიშნობის ბეჭდებია და მას საერთო არაფერი აქვს ქორწილთან.