Bleecker Street-მა ილონ მასკზე შექმნილი ახალი დოკუმენტური ფილმის — მასკის ტრეილერი გამოუშვა. ფილმი თითქმის 4 საათს გრძელდება, ხოლო მისი რეჟისორი ალექს გიბნია. მასკის პრემიერა 8 სექტემბერს ვენეციის 83-ე კინოფესტივალზე შედგა, რაც მაყურებლის აპლოდისმენტებით დასრულდა. ამის შემდეგ კი ფილმი ტორონტოს კინოფესტივალზეც აჩვენეს.

ილონ მასკი ფილმის შექმნაში ჩართული არ ყოფილა, თუმცა რეჟისორის ნამუშევარზე აზრი თავისსავე სოციალურ ქსელ X-ში რამდენიმე გამოთქვა. მილიარდერმა ალექს გიბნის "ბოღმიანი მოხუცი" უწოდა, რომელსაც "არანაირი ღირსება არ გააჩნია".

"გიბნიმ ფილმისთვის იმ ადამიანთა სია შეაკოწიწა, რომლებიც ან ვერ მიტანენ, ან საერთოდ არ მიცნობენ (თუმცა მაინც ვერ მიტანენ)... ის ბოღმიანი მოხუცია, რომელმაც რეალობის შეგრძნება დიდი ხანია დაკარგა. ძაღლის განავალიც კი უფრო მეტ პატივისცემას იმსახურებს, ვიდრე გიბნი", — წერს მასკი.

ამასთან ერთად, მასკმა გააზიარა პოდკასტერ ქეითი მილერის პოსტი, რომელიც ფილმში მასკის ნაცნობების ნაკლებობაზე ჩიოდა. "ფილმი ვერანაირად ვერ იქნება ამომწურავი, თუ მასში ის ხალხი არ მონაწილეობს, რომლებიც მასკის ცხოვრებაში არიან", — აღნიშნა მილერმა.

მასკის მსოფლიო პრემიერა 9 ოქტომბერს შედგება.