სამართალმცოდნეობის ბაკალავრის ხარისხის დამადასტურებელი ყალბი დიპლომისა და სრული ზოგადი განათლების ატესტატის დამზადება-გასაღების ბრალდებით ყოფილი კომერციული სასწავლო დაწესებულების ხელმძღვანელი დააკავეს.

გამოძიების ცნობით, ბრალდებულმა, დანაშაულებრივ კავშირში მყოფ სხვა პირებთან ერთად, ყალბი დოკუმენტების დამზადება-გასაღებისთვის 1 000 დოლარი და 3 000 ლარი აიღო.

ფინანსთა სამინისტროს საგამოძიებო სამსახურის ინფორმაციით, დანაშაულში მონაწილე სხვა პირების დადგენა-მხილების მიზნით ტარდება შესაბამისი ღონისძიებები.

საქმეზე მიმდინარეობს გამოძიება საქართველოს სსკ-ს 362-ე მუხლის მეორე ნაწილით, რაც სასჯელის სახით 3-დან 6 წლამდე თავისუფლების აღკვეთას ითვალისწინებს.