დეკანოზმა გიორგი მამალაძემ განაცხადა, რომ პროკურატურა ითხოვდა, რომ ილია მეორის ლიკვიდაციაში მეუფე დიმიტრი და პატრიარქის დაცვის ყოფილი უფროსი სოსო ოხანაშვილი თანამონაწილეებად დაესახლებინა. ამის შესახებ მან რუსთავი 2-სთვის მიცემულ ინტერვიუში ისაუბრა.

"ეს აღიარება რომ ვერ მიიღეს, ჩემი მოსაზრება ესაა, დამსაჯეს და წამიყენეს ბრალი შორენა თეთრუაშვილის მკვლელობის მომზადებაში. მათ ჰქონდათ გეგმაში, რომ შეთითხნილი საქმე ყოფილიყო კონკრეტულად პატრიარქის წინააღმდეგ, რომელშიც უნდოდათ რომ თანამონაწილეებად დაესახელებინათ მეუფე დიმიტრი და სოსო ოხანაშვილი", - ამბობს დეკანოზი.

ჟურნალისტის კითხვაზე, იყო თუ არა მიზანი მეუფე დიმიტრის დაკავება, მამალაძემ უპასუხა, რომ მსგავსი რამ შესაძლებელი იყო. კონკრეტულად რა დეტალებზე ისაუბრეს მან და მისმა სულიერმა მოძღვარმა შეხვედრისას, მეუფე დიმიტრიმ მამალაძემ არ თქვა. მისივე თქმით, ის შეხვედრას დადებითად აფასებს:

"გარკვეული კითხვები ჰქონდა მეუფეს და დარწმუნებული ვარ, რომ არა მარტო მეუფეს. დარწმუნებული ვარ, რომ არსებული პასუხის მიღების ანალიზის შემდეგ მან გააკეთა ის განცხადება, რაც ცნობილია. როდესაც მე ვამტკიცებდი, რომ ეს იყო შეთქმულება არა მარტო მის, არამედ ეკლესიის წინააღმდეგ".

გიორგი მამალაძემ, ასევე, თქვა, რომ მასზე ზეწოლა იყო არა მხოლოდ პროკურატურის მხრიდან, თუმცა საპატრიარქოს მხრიდან კონკრეტული პირების დასახელებაზე უარი თქვა.

გაიგეთ მეტი ე.წ. ციანიდის საქმეზე.