რუსთავი 2-თან გამართულ საპროტესტო აქციაზე ქართული მარშის წევრები დააკავეს. როგორც ტელეკომპანიის ჟურნალისტი ამბობს, პოლიციასა და აქციის მონაწილეებს შორის დაპირისპირება მას შემდეგ დაიწყო, რაც აქციის მონაწილეებმა ასაფეთქებლები გამოიყენეს და პოლიციის გაფრთხილებას არ დაემორჩილნენ.

რუსთავი 2-ის ინფორმაციით დაკავებულია ორი პირი. On.ge დაკავებულების შესახებ ინფორმაციას მოგვიანებით მოგაწვდით.

ქართული მარში რუსთავი 2-თან ეკა კვესიტაძის გადაცემა განსხვავებულ აქცენტებს აპროტესტებს, რომელიც დღეს ქართული მარშის ბოლოდროინდელ გააქტიურებასა და მათი მხრიდან მუქარის შემცველ განცხადებებზე იქნება. ტელეკომპანიის განცხადებით, არხის პოლიტიკიდან გამომდინარე გადაცემაში მონაწილეობას ქართული მარშის წევრები არ მიიღებენ.

რამდენიმე დღის წინ ქართულმა მარშმა ფეხბურთი ფედერაციასთან ჰომოფობიურ ნიადაგზე საპროტესტო აქცია გამართა. ისინი ფეხბურთელ გურამ კაშიას ნაკრებიდან გაგდებასა და ფედერაციის პრეზიდენტის ლევან კობიაშვილისგან ბოდიშის მოხდა მოითხოვდნენ.