ნიუ-იორკში, მანჰეტენზე მომხდარი ტერორისტული თავდასხმა 2001 წლის 11 სექტემბრის შედეგ ყველაზე მასშტაბურია, წერს CNN. გუშინ, 31 ოქტომბერს 29 წლის კაცი სატვირთოთი ხალხში შევარდა და იარაღიდან ცეცხლი გახსნა, შედეგად კი 8 ადამიანი გარდაიცვალა, ხოლო 10-ზე მეტი დაშავდა.

გავრცელებული ინფორმაციით, თავდამსხმელი მსოფლიო სავაჭრო ცენტრთან ახლოს ნაქირავები სატვირთო მანქანით ველობილიკზე შევარდა, რამდენიმე ადამიანი გაიტანა და სკოლის ავტობუსს დაეჯახა. მანქანიდან გამოსვლისას კი მან იარაღიდან ცეცხლი გახსნა.

დაკავების დროს ერთ-ერთმა პოლიციელმა თავდამსხმელი დაჭრა. CNN-ის თმქმით, თავდამსხმელი მუცლის არეში დაიჭრა და ადგილობრივ საავადმყოფოში მას ოპერაცია ჩაუტარდა. გამოძიება ტერორიზმის მუხლით მიმდინარეობს.

პოლიციის თქმით, თავდასასხმელი უზბეკეთიდან არის და აშშ-ში 2010 წელს ჩამოვიდა. უზბეკეთის პრეზიდენტმა განაცხადა, რომ აშშ-ში მიმდინარე გამოძიებასთან ითანამშრომლებს. ოფიციალური პირების თქმით, ნიუ-ორკში თავდასხმა ე.წ. ისლამურ სახელმწიფოს უკავშირდება.

2001 წლის 11 სექტემბრის აფეთქებას ყველაზე მეტი ამერიკელის სიცოცხლე შეეწირა აშშ-ის ისტორიაში: ტერაქტისას სულ დაიღუპა 2 996 ადამიანი, მათ შორის 265 გატაცებულ თვითმფრინავებში, 125 პენტაგონში, 2 606 კი მსოფლიო სავაჭრო ცენტრში და მის მიმდებარე ტერიტორიაზე. გაწმენდითი სამუშაოების დროს 411-ზე მეტი მაშველი დაიღუპა.

ტერაქტის მსხვერპლი

არგენტის საგარეო სამინისტრომ დაადასტურა, რომ თავდასხმის შედეგად ქვეყნის ხუთი მოქალაქე დაიღუპა. გავრცელებული ინფორმაციით, ნიუ-იორკში ათი მეგობარი კოლეჯის დამთავრების 30 წლის აღსანიშნავად ჩავიდა. ქალაქ როსარიოში, საიდანაც იყვნენ გარდაცვლილები, სამდღიანი გლოვაა გამოცხადებულ.

ბელგიის საგარეუ უწყებამაც დაადასტურა, რომ გარდაცვლილებს შორის მათი ერთი მოქალაქეც არის.

მსგავსი სტატიები: