აგრესია, კრუნჩხვები, გონების დაკარგვა, სუნთქვის გაძნელება, ზოგიერთ შემთხვევაში სიკვდილიც — ნარკოლოგი და პარტია ფედერალისტების წევრი ზურა სიხარულიძე საზოგადოებას ახალი სინთეზური კანაბინოიდის შესახებ აფრთხილებს. მისი თქმით, ე.წ. "სპაისის" ტიპის ნივთიერება ინტენსიურად იყიდება ტელეგრამის არხებზე და მისი გამოყენება მძიმე ჯანმრთელობის რისკებთანაა დაკავშირებული.

რაც შეეხება შესაძლო შედეგებს, ნარკოლოგი წერს, რომ აღნიშნული ნივთიერების მიღებამ შეიძლება გამოიწვიოს — ძლიერი შფოთვა და პანიკა, ჰალუცინაციები და ფსიქოზი, აგრესია, კრუნჩხვები, გონების დაკარგვა, სუნთქვის გაძნელება, ზოგიერთ შემთხვევაში — სიკვდილიც.

"საქართველოში გამოჩნდა და ძალიან ინტენსიურად იყიდება ტელეგრამის არხებზე ახალი, ძალიან ძლიერი სინთეზური კანაბინოიდი ("სპაისის" ტიპის ნივთიერება). ასევე k2 სახელით იყიდება.

ეს არ არის ჩვეულებრივი მარიხუანა. ასეთი ნივთიერებები შეიძლება გაცილებით ძლიერი და ბევრად უფრო საშიში იყოს. მათი გამოყენება დაკავშირებულია მძიმე ჯანმრთელობის რისკებთან.

შესაძლო შედეგებია:

• ძლიერი შფოთვა და პანიკა;
• ჰალუცინაციები და ფსიქოზი;
• აგრესია;
• კრუნჩხვები;
• გონების დაკარგვა;
• სუნთქვის გაძნელება;
• ზოგიერთ შემთხვევაში — სიკვდილიც.

ყველაზე საშიში ის არის, რომ მომხმარებელმა ხშირად არც კი იცის, რა ნივთიერებას იღებს, რადგან "სპაისის" შემადგენლობა მუდმივად იცვლება. ასევე ის დააქვთ სხვა სტიმულატორებზე — მეფედრონზე, ალფაზე და სხვა სტიმულატორებზე, რაც კიდე უფრო ამძიმეს მდგომარეობას!

თუ თქვენ ან თქვენს ახლობელს ასეთი ნივთიერების მიღების შემდეგ დაეწყო უცნაური ქცევა, გონების დაბინდვა, კრუნჩხვა ან სუნთქვის პრობლემები — დაუყოვნებლივ გამოიძახეთ 112", — წერს სოციალურ ქსელში ნარკოლოგი და პარტია ფედერალისტების წევრი ზურა სიხარულიძე.