ისლანდიელი მუსიკოსი Björk თბილისშია. ის საქართველოში 12-კაციან ჯგუფთან ერთად ჩამოვიდა. მუსიკოსის ვიზიტის შესახებ ინფორმაციას SOU ფესტივალის მედიაკოორდინატორი ავრცელებს.

მისი თქმით, კონცერტამდე მუსიკოსის გრაფიკი უცნობია, თუმცა შესაძლოა, მუსიკალური ექსპედიციის ფარგლებში, საქართველოს რამდენიმე კუთხეს ეწვიოს.

მუსიკოსი თბილისში ორ კონცერტს - 31 ოქტომბერსა და 3 ნოემბერს გამართავს. ბილეთების ფასი 50 ლარიდან 750 ლარამდე მერყეობდა. როგორც ორგანიზატორები აცხადებენ, ამ ეტაპზე ფილარმონიაში გასამართი კონცერტის 200-ლარიანი ბილეთების ნაწილიღაა დარჩენილი.