2019 წლამდე დიდი დროა, ჩვენ არაფერი არ ვიცით რა მოხდება სერიალის ფინალურ სეზონში, სამაგიეროდ კიტ ჰარინგტონმა, იგივე ჯონ სნოუმ ეს ერთი რაღაც ნამდვილად იცის და გაამხილა, რომ მერვე სეზონის ფინალის წაკითხვის დროს იტირა.

"გასულ კვირას სცენარი წავიკითხეთ, ამიტომ ახლა ყველაფერი ვიცი. სცენარის დასასრულზე ბევრი ვიტირე. უკვე 8 წელია ამას ვაკეთებთ ამ შოუს და ჩვენზე მეტად არავინ ღელავს ფინალურ სეზონზე. ძალიან უცნაური დამშვიდობების წელი იქნება, უკანასკნელი სცენების თამაში მსახიობებთან", - ამბობს ჯონ სნოუს როლის შემსრულებელი.

ანალოგიური თქვა სანსას როლის შემსრულებელმა სოფია ტერნერმაც, რომელმაც თქვა, რომ სცენარის განხილვის დროს, იმდენად ემოციური სცენები იყო, რომ აბსოლუტურად ყველა მსახიობმა იტირა.

"ეს დიდი გამოცდილება იყო ყველასთვის, ჩვენ მსოფლიოში ერთ-ერთ ყველაზე წარმატებულ შოუს ვაკეთებდით. მაგიდის გარშემო ვისხედით ყველა მსახიობი და სცენარს ვკითხულობდით, იმდენად ორიგინალური და ემოციური სცენებია, განსაკუთრებით კი ფინალი, რომ არც ერთი მსახიობი არ იყო, ვინც არ ტიროდა. ახლაც ემოციების ქვეშ ვარ", - ამბობს სოფია ტერნერი.

შეგახსენებთ, რომ HBO-ს სერიალი სამეფო კარის თამაშები, ერთ-ერთი ყველაზე რეიტინგული და ტიტულოვანი შოუა ტელევიზიის ისტორიაში.