საპატრიარქოს ეზოში ავტომობილი შევარდა, რომელმაც შლაგბაუმი დააზიანა და ჭიშკარი შეანგრია. ამის შესახებ ინფორმაციას და ფოტომასალას სამთავრობო ტელეკომპანია "იმედი" ავრცელებს.

"თვითმხილველების თქმით, მძღოლი ეკლესიისა და პატრიარქის მიმართ შეურაცხმყოფელ განცხადებებს აკეთებდა", — წერია მათ მიერ გავრცელებულ ინფორმაციაში.

საპატრიარქოს ეზოში ავტომობილის შევარდნის ფაქტზე ერთი პირი დააკავეს. როგორც NEWS.On.ge-ს შინაგან საქმეთა სამინისტროში განუცხადეს, მომხდარზე გამოძიება სისხლის სამართლის კოდექსის 187-ე მუხლითაა დაწყებული, რაც ნივთის დაზიანებას გულისხმობს.