პერსონალურ მონაცემთა დაცვის ინსპექტორის თანამდებობაზე პარლამენტმა თამარ ქალდანს დაუჭირა მხარი. მან 85 ხმა მიიღო, მეორე კანდიდატმა ნიკოლოზ ლეგაშვილმა კი 44.

თამარ ქალდანი მონაცემთა დაცვის ინსპექტორი უკვე მეორედ გახდა. იგი აღნიშნულ თანამდებობას 2013 წლიდან იკავებდა. ამას გარდა, ქალდანი ქართულ ამერიკულ, კავკასიისა და თბილისის სახელმწიფო უნივერსიტეტებში მოწვეული ლექტორია. 2004 წლიდან 2013 წლამდე იგი ფონდ ღია საზოგადოება საქართველოს აღმასრულებელი დირექტორის მოადგილე იყო.

კანონის მიხედვით, პერსონალური მონაცემების დაცვის ინსპექტორი ინიშნება 3 წლის ვადით. პერსონალურ მონაცემთა დაცვის ინსპექტორის საქმიანობის ძირითადი ამოცანაა საქართველოში მონაცემთა დამუშავების კანონიერებაზე კონტროლის განხორციელება.