Netflix-ის ისტორიაში Adolesence ერთ-ერთ ყველაზე დიდ ჰიტად დარჩა, მისმა ახალგაზრდა მსახიობმა ჯილდოების რეკორდები დაამყარა, ხოლო ნახვების რაოდენობით ინგლისურენოვანი კონტენტში Wednesday-ს პირველი სეზონის შემდეგ მეორე ადგილი დაიკავა.

მიუხედავად იმისა, რომ შესაძლოა ახალი პერსონაჟებით Adolescence-ის მეორე სეზონი ვიხილოთ, მანამდე გვაქვს ახალი მინი-სერიალი, რომელიც თავისებური გაგრძელების როლს ასრულებს. ეს არის ბუზთა ბატონი (Lord of the Flies) ცნობილი წიგნის ოთხეპიზოდიანი ადაპტაცია, რომელიც BBC-ის დაკვეთით ბრიტანულმა საპროდიუსერო კომპანიამ გადაიღო და თებერვალში გამოვიდა BBC One-ზე. სერიალი შექმნილი და დაწერილია ჯეკ თორნის მიერ, რომელიც სტივენ გრეჰემთან ერთად Adolescence-ის თანაავტორი და თანასცენარისტი იყო.

მოგვიანებით ბუზთა ბატონი Netflix-მა შეიძინა და ამ კვირაში გამოვიდა, სადაც Rotten Tomatoes-ზე კრიტიკოსებისგან უკვე მოიპოვა 92%-იანი შეფასება. ეს Adolescence-ის 97%-ზე ნაკლებია, მაგრამ მაინც ახლოს. აუდიტორიის შეფასებები ჯერ არ არის, თუმცა აღსანიშნავია, რომ Adolescence-ს საკმაოდ დაბალი ჰქონდა: 74%. კარგი რეიტინგი, მაგრამ სერიალის მიმართ არსებულ საყოველთაო აღფრთოვანებასა და ნახვების რაოდენობას ნამდვილად ვერ ასახავს.

ბუზთა ბატონის სატელევიზიო ადაპტაცია

ფოტო: Netflix

თუ უილიამ გოლდინგის ეს წიგნი არ წაგიკითხავთ, ამბავი ასეთია: "კუნძულზე გადარჩენილი მოსწავლეების ჯგუფი საკუთარ საზოგადოებას ქმნის, მაგრამ როცა წესები ქრება, შინაგანი მხეცი იღვიძებს."

Adolescence-ის მსგავსად, სერიალი რეალურ ბავშვ მსახიობებს იყენებს და არა უფროს მსახიობებს, რომლებიც ბავშვებს ასახიერებენ. ამიტომ მათგან თითქმის არავის იცნობთ, ოუენ კუპერი არ გამოჩნდება, ისედაც უკვე ასაკით დიდია ამ როლისთვის. თუმცა გამოირჩევა ახალგაზრდა ლოქს პრატი ჯეკის როლში, რომელიც ახლახანს HBO-ს ჰარი პოტერის სერიალში დრაკო მელფოის პერსონაჟად დამტკიცდა. საინტერესოა, კასტინგზე ხომ არ ნახეს მისი ადრეული მასალა ამ სერიალიდან. კიდევ ერთი ცნობილი სახე, რორი კინიარია, რომელიც Game of Thrones-ში The Hound-ს ასახიერებდა, აქ რალფის მამის როლს თამაშობს.

როგორი წარმატება ექნება ბუზთა ბატონს? ეს ჯერ გასარკვევია, მაგრამ სამი ფაქტორი ერთად: კლასიკური ლიტერატურის ადაპტაცია, Adolescence-ის თანაავტორი და კრიტიკოსების მაღალი შეფასება, პოტენციური დიდი ჰიტის რეცეპტს ქმნის.