განსაკუთრებულ დავალებათა დეპარტამენტის ხელმძღვანელი ბაადურ შენგელია გახდა. ის დეპარტამენტის თანამშრომლებს შს მინისტრმა, სულხან თამაზაშვილმა წარუდგინა.

სულხან თამაზაშვილმა განსაკუთრებულ დავალებათა დეპარტამენტის დირექტორს თანამდებობაზე დანიშვნა მიულოცა და საქმიანობაში წარმატება უსურვა. შეხვედრას, ასევე, განსაკუთრებულ დავალებათა დეპარტამენტის ყოფილი უფროსი რომან ქარცივაძეც ესწრებოდა, რომელიც სუს-ის სპეციალური ოპერაციების დეპარტამენტის ხელმძღვანელად დაინიშნა.

შსს-ს ცნობით, ბაადურ შენგელიას შინაგან საქმეთა სამინისტროში მუშაობის მრავალწლიანი გამოცდილება აქვს.