თბილისის მერობის კანდიდატი ქართული ოცნებიდან, კახა კალაძის თქმით, იმის მიუხედავად, რომ წინასწარი შედეგები ცნობილია, ცესკოს შედეგებს ელოდებიან. ამის შესახებ მან რამდენიმე წუთის წინ ბრიფინგზე განაცხადა.

"ჩვენ ვიცოდით, რომ გავიმარჯვებდით. დიდი მხარდაჭერა იყო, როცა მთელი ამ საარჩევნო კამპანიის განმავლობაში შეხვედრები გვქონდა ადამიანებთან. ეს სულისკვეთება იგრძნობოდა ყოველდრიურ რეჟიმში, იგრძნობოდა ის იმედი, რომელიც ჩვენი დედაქალაქის მოსახლეობას ჰქონდა", - თქვა კალაძემ.

ტელეკომპანია რუსთავი 2-ის ეგზიტპოლის 18 საათის მონაცემებით, თბილისში მერის არჩევნებში ქართული ოცნების მერობის კანდიდატმა, კახა კალაძემ 54% პროცენტი მიიღო. თუ ცესკო-ს შედეგები რუსთავი 2-ის ეგზიტპოლის მსგავსი იქნება, მეორე ტური არ გაიმართება.

სხვა კანდიდატების შედეგები ასე გამოიყურება:

  • ზაალიკო უდუმაშვილი - 15%;
  • ალეკო ელისაშვილი - 14%;
  • ელენე ხოშტარია - 7%;
  • კახა კუკავა - 3%;
  • ირმა ინაშვილი - 3%;
  • გიორგი ვაშაძე - 2%.

კვლევის მეთოდოლოგია

რუსთავი 2

ტელეკომპანია რუსთავი 2-ის დაკვეთით კვლევა დღეს, 21 ოქტომბერს ედისონ რისერჩმა საფასურის სანაცვლოდ ჩაატარა, თუმცა რესპონდენტები არ იხდიან ფულს და გამოკითხვა ამ ნაწილში უფასოა. კვლევის ცდომილება 3 პროცენტია.

რესპონდენტები კვლევისთვის პირისპირი გამოკითხვის მეთოდით, თვითადმინისტრირებული კითხვარით გამოიკითხნენ თბილისში (კითხვარი).