ჩრდილოატლანტიკურ ალიანსს სამხრეთ კავკასიასა და ცენტრალურ აზიაში ახალი სპეციალური წარმომადგენელი ჰყავს — ელჩი კევინ ჰამილტონი, რომელმაც პირველი ოფიციალური ვიზიტი სომხეთში გამართა. ამის შესახებ "ევროსკოპის" დამფუძნებელი თამარ ნუცუბიძე წერს. მისივე თქმით, მოსალოდნელია, რომ ელჩი ჰამილტონი უახლოეს მომავალში, საქართველოს ეწვიოს

"არ მინდა ეს ამბავი ჩაიკარგოს, რადგან NATO-ში საქართველოს გაწევრიანებაზე სულ უფრო ნაკლებადაა საუბარი. ჩრდილო ატლანტიკური ალიანსის გენერალურ მდივანს ახალი სპეციალური წარმომადგენელი ჰყავს სამხრეთ კავკასიასა და ცენტრალურ აზიაში, ელჩი კევინ ჰამილტონი. ელჩმა პირველი ვიზიტი სომხეთში გამართა. ევროსკოპი დაინტერესდა ჰამილტონი მხოლოდ სომხეთში ჩავიდა თუ არა," — ამბობს ნუცუბიძე.

NATO-ს წარმომადგენლის განმარტებით, ელჩი ჰამილტონი სომხეთის შემდეგ უახლოეს მომავალში ვიზიტებს საქართველოსა და აზერბაიჯანშიც გეგმავს.

"მოსალოდნელია, რომ ელჩი ჰამილტონი უახლოეს მომავალში, სომხეთში ვიზიტის შემდეგ, ასევე ეწვევა საქართველოსა და აზერბაიჯანს," — ნათქვამია NATO-ს ოფიციალური პირის კომენტარში.