NASA-ის ისტორიული მისია, სახელწოდებით არტემის 2, შესრულებულია — საუკუნეზე მეტი ხნის შემდეგ, ადამიანები მთვარეზე დაბრუნდნენ. ღია კოსმოსში გატარებული ცხრა დღისა და მთვარის შემოვლის შემდეგ, ხომალდ Orion-ის ეკიპაჟის ოთხივე წევრი მშობლიურ პლანეტაზე მშვიდობით დაბრუნდა.

მისიის ფარგლებში, ასტრონავტებმა არაერთი რეკორდი დაამყარეს, მაგრამ დედამიწიდან შორს ყოფნა ალბათ მაინც არაა ადვილი. ამდენად, როცა სახლიდან 400 ათას კილომეტრზე შორი მანძილით ხარ დაშორებული, აუცილებლად დაგჭირდება რაღაც, რაც მას მოგაგონებს და სიმხნევეს შეგმატებს. ეს რაღაც კი, არც მეტი, არც ნაკლები, ჩაპელ როუნის სიმღერა შეიძლება იყოს...

1960-იანი წლებიდან მოყოლებული, NASA სხვადასხვა მისიის მონაწილეებს სიმღერებით აღვიძებდა. ნახევარსაუკუნოვანი ტრადიცია არტემის 2-საც არ დაურღვევია, მაგრამ ამჯერად სიმღერები თავად ასტრონავტებმა შეარჩიეს.

10 დღე და 10 სიმღერა — მისიის პირველი დილა Young & Sick-ის Sleepyhead-ით დაიწყო და Live-ის Run to the Water-ით დასრულდა. ამ უკანასკნელის სახელი ("წყლისკენ გაიქეცი") სიმბოლურადაც ჟღერს, რადგან ეკიპაჟის წევრები ოკეანეში დაეშვნენ.

ამ სიმღერებთან ერთად კი, ფლეილისტში, რომელიც NASA-მ საგანგებოდ შექმნა სპოტიფაიზეც, შეხვდებით ჩაპელ როუნის ჰიტს Pink Pony Club და Queen-ის და დევიდ ბოუის უკვდავ კომპოზიციას Under Pressure. სიმღერების სრულ ჩამონათვალს ქვემოთ იხილავ.

ფლეილისტის გასაჯაროებას სიმღერების ავტორებიც გამოეხმაურნენ. "დიდი მადლობა, რომ ბორტზე მიმასპინძლეთ, ჩემი ცხოვრება შეიცვალა", — დაწერა Young & Sick-მა ინსტაგრამზე. ყველაზე მაგარი რაღაცაა, რაც ცხოვრებაში გადამხდენიაო, განაცხადა ჯგუფმა Glass Animals-მა, რომლის სიმღერამ Tokyo Drifting ასტრონავტები მისიის მე-7 დღეს გააღვიძა.

ასევე იხილეთ:

თუ მუსიკა შენი ცხოვრების განუყოფელი ნაწილია და ამ თემაზე მეტის გაგება გინდა, შემოგვიერთდი ჯგუფში ერთი სიმღერაც და...