სახელმწიფო აუდიტის სამსახურმა 2026 წლის პირველ კვარტალში პარტიების შემოწირულობებზე ინფორმაცია გაავრცელა.

მათი ცნობით, 2026 წლის პირველ კვარტალში ყველაზე დიდი შემოწირულობა მმართველმა პარტია ქართულმა ოცნებამ მიიღო.

• ქართული ოცნება — ₾980,000
• ლელო — ₾146,000
• ხალხის ძალა — ₾60 000
• თავისუფლების მოედანი — ₾46,985
• კოალიცია ცვლილებისთვის — ₾3,460
• გახარია საქართველოსთვის — ₾2,371
• ერთიანი ნაციონალური მოძრაობა — ₾0

ოფიციალური მონაცემებით, ქართული ოცნების ანგარიშზე მიმდინარე წელს, 27 თებერვლის ჩათვლით, ჯამში 980 ათასი ლარი ჩაირიცხა. აღნიშნულ პერიოდში პარტიას 28 შემომწირველი ჰყავდა, მათ შორისაა თბილისის მერი კახა კალაძე, რომელმაც პარტიას 12 ათასი ლარი შესწირა. პარტიის ყველაზე მსხვილი შემომწირავი "ქართუ ბანკის" ფინანსური დირექტორი, გივი ლებანიძე და პარტიის საპატიო თავმჯდომარის ძმა, ალექსანდრე ივანიშვილია.

პარტია ლელო – ძლიერ საქართველომ შემოწირულებების სახით 146 ათასი ლარი მიიღო — შემომწირველებს შორის პარტიის ლიდერები მამუკა ხაზარაძე და ბადრი ჯაფარიძე არიან. ასევე მამუკა კაციტაძე და მანანა ნაჭყებია.