ევროკომისარმა, მარტა კოსმა გაფართოების სტრატეგიაზე საუბრისას განაცხადა, რომ კომისიამ "დემოკრატიის უსაფრთხოების ბადე უნდა გაშალოს" და საქართველოში რუსეთის გავლენა მოიყვანა მაგალითად.

კოსმა ასევე დასძინა, რომ ევროპა "ქართველ ხალხზე ხელს არ იქნევს".

"დემოკრატიის უსაფრთხოების ბადე უნდა გავშალოთ ჩვენს კონტინენტზე. გაფართოება გაცილებით უფრო მეტია, ვიდრე უბრალოდ გაფართოება. საქართველოში შეგიძლიათ ნახოთ, რა ხდება, როდესაც რუსეთი იმარჯვებს. ავტოკრატიული სისტემა ახშობს დემოკრატიულ ხმებს.

მათ ცოტა ხნის წინ მიიღეს ახალი კანონი, რომელიც თავს ესხმის ქვეყნის დემოკრატიულ და სამოქალაქო სივრცეს, და საქართველოს კიდევ უფრო აშორებს ევროპულ მომავალს, რომელიც მისი ხალხის უმრავლესობას სურს.

და ქართული ოცნება საკუთარ ხალხს ატყუებენ, თითქოს ქვეყანა ევროკავშირში მიჰყავთ და ევროკავშირი უნდა მოერგოს მათ.
ჩვენს ქართველ მეგობრებს, ქართველი ხალხის უმრავლესობას, რომელიც აფასებს დემოკრატიასა და თავისუფლებას — ჩვენ თქვენზე ხელს არ ვიქნევთ," — განაცხადა კოსმა. (თარგმანი IPN)