ირაკლი კობახიძემ მამუკა მდინარაძეს სახელმწიფო უსაფრთხოების ვიცე-პოლკოვნიკის წოდება ვადამდე მიანიჭა.

"სახელმწიფო უსაფრთხოების სამსახურის უფროსს, სახელმწიფო უსაფრთხოების მაიორს, მამუკა მდინარაძეს, ვადამდე მიენიჭოს მორიგი უფროსი სპეციალური წოდება, სახელმწიფო უსაფრთხოების ვიცე-პოლკოვნიკი", — წერია ირაკლი კობახიძის მიერ 9 მარტს ხელმოწერილ ბრძანებაში.

შეგახსენებთ, რომ 2025 წლის 25 და 26 დეკემბერს, ირაკლი კობახიძემ მამუკა მდინარაძეს ჯერ სახელმწიფო უსაფრთხოების კაპიტნის, შემდეგ კი სახელმწიფო უსაფრთხოების მაიორის წოდებები მიანიჭა.