ვამპირის დღიურების მსახიობები — არიელ კებელი და ზაკ როერიგი — 1-წლიანი ურთიერთობის შემდეგ დაშორდნენ.

19 თებერვალს არიელმა პოდკასტში გაამხილა, რომ უკვე საკმაო ხანია, რაც ურთიერთობაში აღარაა. პოდკასტის წამყვანმა, ქეითლინ ბრისტოუმ, მსახიობს პარტნიორთან დაშორება მიულოცა, რაზეც არიელმა უპასუხა:

"მგონია, რომ ძალიან მგრძნობიარე და მნიშვნელოვან საკითხს შეეხე, ამაზე ხშირად მისაუბრია მეგობრებთან, რომლებიც შეყვარებულებს თუ მეუღლეებს შორდებიან. ასეთ დროს, ზოგჯერ საჭიროა, რომ უთხრა "ვწუხვარ", რადგან ამ პარტნიორთან ძალიან დიდი სიყვარული და მწუხარება აკავშირებთ. ზოგჯერ კი, უნდა მიულოცო, იმიტომ, რომ დაშორება მათთვის საუკეთესო გადაწყვეტილება იყო. ორივე კარგად მესმის".

ფოტო: Hallmark

კებელმა წამყვანს მიანიშნა, რომ ზაკთან დაშორება ერთ-ერთი ურთულესი რამ იყო, რაც ოდესმე გაუკეთებია.

მუდმივად პასუხისმგებლობებით ვცხოვრობდი, ამიტომ — ერთი წამით მაინც — უნდა გამეკეთებინა ყველაფერი ის, რისი გაკეთებაც ადრე ან ძალიან მეშინოდა, ან ამის საშუალებას საკუთარ თავს არ ვაძლევდი

კებელისა და როერიგის სასიყვარულო ურთიერთობის შესახებ ინფორმაცია პირველად 2025 წლის აპრილში გავრცელდა. ზაკმა ფანების შეკრებაზე არიელს მოულოდნელად ყვავილები მიართვა და ხალხის წინაშე აკოცა.

ფოტო: Kevin Mazur/Getty

ზუსტად არაა ცნობილი, როგორ დაიწყეს მსახიობებმა ურთიერთობა, თუმცა 2023 წლის ფილმში Love in the Great Smoky Mountains: A National Park Romance ისინი ერთად თამაშობდნენ.

კადრი ფილმიდან — Love in the Great Smoky Mountains: A National Park Romance

ფოტო: Prime Video

რაც შეეხება არიელს, ის ამჟამად სამსახიობო კარიერაზეა კონცენტრირებული — სულ ცოტა ხნის წინ კებელმა ფილმში I Can Only Imagine 2 მთავარი როლი შეასრულა, სადაც მისი პარტნიორი Girlmore Girls-დან მისივე კოლეგა, მაილო ვენტიმილია იყო.

I Can Only Imagine 2

I Can Only Imagine 2

ფოტო: Lionsgate

თუ სერიალებს თვალს აქტიურად ადევნებ, არ დაგავიწყდეს, შემოიხედო ჩვენს ჯგუფშიც – ერთი სერიაც და…