საქართველოს ყოფილი ვიცეპრემიერი, ეკონომიკის, სოფლის მეურნეობის და გარემოს დაცვის მინისტრი ლევან დავითაშვილი და გაზისა და ნავთობის კორპორაციის ყოფილი გენერალური დირექტორი გიორგი ჩიქოვანი სუს-ში გამოკითხვაზე იმყოფებიან.

როგორც NEWS.On.ge-ს სახელმწიფო უსაფრთხოების სამსახურში განუცხადეს, ლევან დავითაშვილი და გიორგი ჩიქოვანი სახელმწიფო უსაფრთხოების სამსახურის ანტიკორუფციულ სააგენტოში მიმდინარე გამოძიების ფარგლებში ერთ-ერთ მსხვილ ნავთობკომპანიასთან გაფორმებულ ხელშეკრულებასთან დაკავშირებით იკითხებიან.

ლევან დავითაშვილი 2025 წლის სექტემბრიდან ყულევის თიზ-ში მოღვაწე კომპანია "ბლექ სი პეტროლიუმის" სამეთვალყურეო საბჭოს თავმჯდომარის პოსტს იკავებს.

2022 წლის 9 თებერვლიდან 2025 წლის 24 ივნისამდე საქართველოს ეკონომიკისა და მდგრადი განვითარების მინისტრი იყო;

2021 წლის 12 ივლისიდან იყო ვიცეპრემიერი;

2016 წლის 9 სექტემბრიდან 2017 წლის 15 დეკემბრამდე საქართველოს სოფლის მეურნეობის მინისტრის პოსტი ეკავა;

2017-2022 წლებში კი გარემოს დაცვისა და სოფლის მეურნეობის სამინისტროების გაერთიანების შემდეგ, საქართველოს გარემოს დაცვისა და სოფლის მეურნეობის მინისტრი იყო.
რაც შეეხება გიორგი ჩიქოვანს, ის გაზისა და ნავთობის კორპორაციის ყოფილი გენერალური დირექტორი 2022 წლის ივნისიდან 2025 წლის 15 ივლისამდე იყო.