"უმაღლესი განათლების დანგრევას არ დასჭირდა განათლების ექსპერტების ჩართვა პროცესში, ისე მოაგვარეს", — ასე გამოეხმაურა ილიაუნის რექტორი ნინო დობორჯგინიძე ოცნების ხელისუფლების მიერ, განათლების რეფორმის ფარგლებში, საჯარო უნივერსიტეტებში ფაკულტეტების კვოტირებას.

ის სოციალურ ქსელში წერს, რომ " მიმღებებს აუცილებლად მოუწევთ პასუხის გაცემა საუნივერსიტეტო საზოგადოებისთვის".

"უმაღლესი განათლების დანგრევას, საერთაშორისო რეიტინგებით ყველაზე წარმატებული დარგების მოსპობას, ცოდნის ეკონომიკის ნაცვლად ბიზნესის მომარაგებას იაფფასიანი მომსახურე პერსონალით და გამოთავისუფლებული შენობების გაყიდვას არ დასჭირდა განათლების ექსპერტების ჩართვა პროცესში, ისე მოაგვარეს.

— არა მხოლოდ ახლა!

p. s. საბჭოები ახლა იკრიბებიან", — ილგადაწყვეტილების მიმღებებს აუცილებლად მოგიწევთ პასუხის გაცემა საუნივერსიტეტო საზოგადოებისთვისიაუნის რექტორი ნინო დობორჯგინიძე საჯარო უნივერსიტეტებში ფაკულტეტების კვოტირებას სოციალურ ქსელში ეხმაურება.

ცნობისათვის, დღეს გამართულ ბრიფინგზე ოცნების ხელისუფლების განათლებისა და მეცნიერების მინისტრმა გივი მიქანაძემ განაცხადა, რომ "სახელმწიფო უნივერსიტეტებში კვოტები განაწილდება უმაღლესი განათლების რეფორმის კონცეფციით დადგენილი "ერთი ქალაქი — ერთი ფაკულტეტის პრინციპის" შესაბამისად მოხდება და გათვალისწინებული იქნება უნივერსიტეტების ტრადიციული პროფილი.

• რომელ უნივერსიტეტში რომელი ფაკულტეტი დარჩება? — გივი მიქანაძის განმარტება

მისი თქმით, "თბილისის სახელმწიფო უნივერსიტეტი სტუდენტებს მიიღებს ისეთ მიმართულებებზე, როგორიცაა ზუსტი და საბუნებისმეტყველო მეცნიერებები; ჰუმანიტარული მეცნიერებები, პედაგოგიკის გამოკლებით; სამართალი; ეკონომიკა და ბიზნესის ადმინისტრირება; სოციალური და პოლიტიკური მეცნიერებები.

საქართველოს ტექნიკურ უნივერსიტეტში მიღება გამოცხადდება საინჟინრო-ტექნიკურ დისციპლინებზე.

თბილისის სახელმწიფო სამედიცინო უნივერსიტეტში — მედიცინის სპეციალობებზე.

ილიას სახელმწიფო უნივერსიტეტში — პედაგოგიკის პროგრამებსა და ABET აკრედიტაციის მქონე STEM სპეციალობებზე.

სოხუმის სახელმწიფო უნივერსიტეტში — აგრარულ სპეციალობებზე, ქართულ-აფხაზური ენის და ლიტერატურისა და პედაგოგიკის სპეციალობებზე.

სახელოვნებო უნივერსიტეტები და სპორტის უნივერსიტეტი სტუდენტებს მიიღებენ შესაბამის სპეციალობებზე.

ბათუმისა და ქუთაისის უნივერსიტეტები შეინარჩუნებენ მრავალფუნქციურ დატვირთვას.

ზუგდიდის, გორის, ახალციხისა და თელავის უნივერსიტეტებში აქცენტი გაკეთდება აგრარულ სპეციალობებზე, ტურიზმის მიმართულებასა და პედაგოგიკაზე.