აშშ-ის ვიცეპრეზიდენტი ჯეი დი ვანსი სომხეთს 9 თებერვალს ეწვევა. ამის შესახებ სომხური მედია იუწყება.

Azatutyun-ის ცნობით, აშშ-ის მაღალი რანგის ოფიციალური პირი სომხეთში 10 თებერვლამდე დარჩება.

ვიზიტის დღის წესრიგი ჯერ არ გამოქვეყნებულა; ცნობილია მხოლოდ ის, რომ ვანსს სომხეთის პრემიერმინისტრი ნიკოლ ფაშინიანი მიიღებს.

ადრე აშშ-ის პრეზიდენტმა დონალდ ტრამპმა განაცხადა, რომ ვიცეპრეზიდენტი ვანსი თებერვალში სომხეთსა და აზერბაიჯანს ეწვევა სამშვიდობო ძალისხმევის გასაგრძელებლად და TRIPP პროექტის წინსვლის მიზნით. ტრამპმა ასევე გამოთქვა განზრახვა, სომხეთთან "მშვიდობიანი ბირთვული თანამშრომლობის შესახებ შესანიშნავი შეთანხმების" დადების შესახებ.