რამდენიმე წუთის წინ ჟურნალმა Forbes ევროპის ყველაზე მაღალანაზღაურებადი ცნობილი ადამიანების სია გამოაქვეყნა, რომელშიც $95 მილიონით პირველი ადგილი ჰარი პოტერის ავტორმა ჯოან როულინგმა დაიკავა.

მწერალმა გადაუსწრო ისეთ სპორტსმენებს, როგორებიც არიან - კრიშტიანუ რონალდუ ($93 მილიონი) და როჯერ ფედერერი ($64 მილიონი). ამავე სიაში მეოთხე ადგილი დაიკავა მომღერალმა ადელმა $69 მილიონით.

აღსანიშნავია ისიც, რომ მსოფლიოში ყველაზე ჯადოსნური სამყაროს შემქმნელი ჯოან როულინგი Forbes-ის სიაში წელს მეორედ მოხვდა. მანამდე ის 2017 წლის ყველაზე მაღალანაზღაურებად მწერლად დაასახელეს.

საერთო ჯამში ბრიტანელი მწერლის ქონება $650 მილიონს აღწევს და როგორც გამოცემა წერს, როულინგი ერთადერთი მწერალია, რომელიც ყოველ ერთ წუთში $180-ს შოულობს.

შეგახსენებთ იმასაც, რომ ჯოან როულინგმა გაყიდვებით უილიამ შექსპირსაც კი გადაუსწრო. მისი ახალი პიესა, ჰარი პოტერი და დაწყევლილი ბავშვი, ყოველ წუთში 879 ფუნტს გამოიმუშავებს, იმაზე მეტს, ვიდრე რომელიმე ავტორს ოდესმე გამოუმუშავებია.