სტატისტიკის ეროვნული სამსახურის ინფორმაციით, 2016 წელს, სულ, 50 771 ადამიანი დაიღუპა. აქედან, გარდაცვლილთა შორის, ყველაზე მეტი, 17 973 ადამიანის სიკვდილის მიზეზი სისხლის მიმოქცევის სისტემის ავადმყოფობები იყო.

შედარებით ნაკლების, 16 841 პირის გარდაცვალების მიზეზი კი კლინიკური და ლაბორატორიული გამოკვლევებით გამოვლენილი სიმპტომები, ნიშნები და ნორმიდან გადახრები გახდა.

სტატისტიკა აჩვენებს, რომ 2013-2016 წლების განმავლობაში სიმსივნის შედეგად გარდაცვლილ პირთა რაოდენობა იზრდებოდა - ამავე დიაგნოზით, 2013 წელს 4 992, ხოლო 2015 წელს 6 243 ადამიანი გარდაიცვალა. 2016 წელს სიმსივნის დიაგნოზით 6 819 ადამიანი გარდაიცვალა, აქედან 3 844 კაცი და 2 975 ქალი. 2013 წელთან შედარებით, მატება 35,5 პროცენტია.

რაც შეეხება სხვა მიზეზებით გარდაცვლილებს, 2 480 პირი სასუნთქი სისტემის ავადმყოფობებით, 1 627 - ტრავმების, მოწამვლებისა და გარეგანი მიზეზების ზემოქმედების, 1 571 - საჭმლის მომნელებელი სისტემის ავადმყოფობების შედეგად გარდაიცვალა.