ახალი კვლევის მიხედვით, ფეისბუქის მომხმარებელთა 60% სტატიების ლინკს წაუკითხავად, მხოლოდ სათაურის წაკითხვის შემდეგ აზიარებს. გარდა გაზიარებისა, მომხმარებლები ლინკზე კომენტარსაც ტოვებენ, ხოლო მათი მეგობრები, ასევე წაუკითხავად იწყებენ დისკუსიას ლინკის ქვეშ.

ჩვენ გადავწყვიტეთ, რომ გავტესტოთ ეს მონაცემები და პირველი აბზაცის შემდეგ დავწეროთ ბევრი უაზრო ტექსტი. მაგალითად, სამი გოჭი არის ძალიან კარგი ზღაპარი, რომელიც გვასწავლის როგორ უნდა ვიყოთ ვეგეტარიანელები ან ვეგანები თუ არ გვინდა, რომ ფილტვები დაგვისკდეს, ხოლო წითელქუდას დედა არის უპასუხისმგებლო მშობელი, რომელსაც აზრადაც კი არ მოსვლია, რომ ბავშვი ამხელა გზაზე მარტო არ უნდა გაეშვა.

საქართველოს მოსახლეობის 15% ერთხელ მაინც გამხდარა უცხოპლანეტელთა მსხვერპლი. უცხოპლანეტელები ქართველებს იტაცებენ და მათზე ექსპერიმენტებს ატარებენ; მაგალითად, ერთ-ერთი გატაცებული პაატა შ. აცხადებს, რომ ორიონის თანავარსკვლავედში არსებულ ერთ-ერთ პლანეტაზე, ვიღაც საზიზღარი მწვანე კაცუნების ქორწილში ათამადეს. "ძირს ერთნაირსქესიან უცხოპლანეტელთა ქორწინება". - აცხადებს პაატა შ.

გუშინ ცნობილი გახდა Brexit-ის ნამდვილი მიზეზი, ბრიტანელებმა გადაწყვიტეს, რომ ევროკავშირიდან გავიდნენ და თავიანთი ადგილი დაუთმონ საქართველოს. ბრიტანეთის პრემიერ მინისტრი, ვეინ რუნი აცხადებს, რომ ბრიტანეთში ისედაც კარგად ცხოვრობენ და ქართველებს ცოტა ხელის წაკვრა ჭირდებათ.

და კიდევ სხვა უაზრო რაღაცები, რომელთა მოფიქრებაც გვეზარება. ისედაც საკმარისია ამდენი სულელური ტექსტი, იმისთვის, რომ გავარკვიოთ ვინ აშეარებს ლინკებს წაუკითხავად. ხოლო თუ წაიკითხეთ, მაშინ ყოჩაღ! თუმცა, განსაკუთრებული არც არაფერი გაგიკეთებიათ.