ვენესუელას შინაგან საქმეთა მინისტრმა დიოსდადო კაბელომ განაცხადა, რომ აშშ-ის თავდასხმის შედეგად, რომელმაც შაბათს პრეზიდენტი ნიკოლას მადურო ჩმოაგდეს, 100 ადამიანი დაიღუპა. ამის შესახებ ინფორმაციას Reuters ავრცელებს.

კარაკასს აქამდე არ დაუსახელებია დაღუპულთა რიცხვი, მაგრამ არმიამ 23 დაღუპულის სია გამოაქვეყნა. ვენესუელას ოფიციალურმა პირებმა განაცხადეს, რომ მადუროს უსაფრთხოების კონტინგენტის დიდი ნაწილი "ცივსისხლიანად"მოკლეს, ხოლო კუბამ განაცხადა, რომ ვენესუელაში მისი სამხედრო და სადაზვერვო სამსახურის თანამშრომლები მოკლეს.

მადუროს მეუღლემ, სილია ფლორესმა, რომელიც მასთან ერთად იყო დაკავებული, აშშ-ის თავდასხმის დროს თავის ტრავმა მიიღო, თქვა კაბელომ, ხოლო მადურომ – ფეხის.

სამშაბათს ვენესუელამ, თავდასხმის დროს დაღუპული სამხედროების ხსოვნის პატივსაცემად, ერთკვირიანი გლოვა გამოაცხადა.

შეგახსენებთ, რომ 3 იანვარს აშშ-მა ვენესუალზე "მასშტაბური დარტყმები" განახორციელა და ვენესუელის პრეზიდენტი ნიკოლას მადურო და მისი მეუღლე დააკავა, რის შემდეგაც ისინი ქვეყნიდან ვერტმფრენით გაიყვანეს. მადუროს პირველი სასამართლო 5 იანვარს გაიმართა.

ამერიკის შეერტებული შტატების მიერ დაკავებული ვენესუელის პრეზიდენტი ნიკოლას მადურო ნარკოტიკებთან დაკავშირებულ ბრალდებებზე თავს უდანაშაულოდ მიიჩნევს.

"მე უდანაშაულო ვარ. მე არ ვარ დამნაშავე. მე წესიერი ადამიანი ვარ. მე კვლავ ჩემი ქვეყნის პრეზიდენტი ვარ," — თქვა 63 წლის მადურომ თარჯიმნის დახმარებით, სანამ მანჰეტენის ფედერალური სასამართლოს მოსამართლე ალვინ ჰელერშტაინი სიტყვას არ გააწყვეტინებდა.

მადუროს მეუღლემ, სილია ფლორესმაც უდანაშაულოდ ცნო თავი. სასამართლოს მომდევნო სხდომა 17 მარტს ჩაინიშნა.