საქართველოს ეროვნული ნაკრებისა და პარი სენ-ჟერმენის ვარსკვლავი ხვიჩა კვარაცხელია, არქის ყველაზე მასშტაბური პროექტის — გრანდ ავენიუს ინვესტორი და ბიზნესპარტნიორი გახდა.

“ძალიან მიხარია, რომ გავხდი ისეთი დიდი და უნიკალური პროექტის ინვესტორი, როგორიც არის გრანდ ავენიუ. სპორტსმენისთვის ძალიან მნიშვნელოვანია ადრეული ასაკიდანვე იფიქროს სამომავლო საქმიანობაზე, იმისთვის რომ მისი შრომა და მიღწევები სათანადოდ გაგრძელდეს. მსოფლიოს ბევრ ქალაქში ვყოფილვარ და ჩემი აზრით, გრანდ ავენიუ ისეთი პროექტია, რომელიც მრავალ მათგანს დაამშვენებდა. ის ნამდვილად გახდება ქალაქის ახალი ცენტრი“ — განაცხადა ხვიჩა კვარაცხელიამ.

“სპორტსმენებისთვის ძალიან მნიშვნელოვანია, კარიერის ადრეული ეტაპიდანვე იფიქრონ მომავალზე. ეს ჩემი გამოცდილებითაც ვიცი, რადგან მეც არაერთი ინვესტიცია განმითვსებია აქტიური სპორტული კარიერის დროს.

ამიტომ ძალიან სასიხარულოა, რომ ბიჭები უკვე იწყებენ მომავალზე ფიქრს და ორმაგად სასიხარულოა, რომ იმ კომპანიას ინვესტირებენ, რომლის ერთ-ერთი პარტნიორი მე ვარ. ეს მათი პირველი ნაბიჯებია ბიზენესში და მიუთეთებს ინტელექტსა და წინდახედულობაზე.“ — ამბობს ზაზა ფაჩულია.

არქის გუნდში სჯერათ, რომ ხვიჩა კვარაცხელია თავის წვლილს შეიტანს პროექტის განვითარებაში:

”ძალიან გვიხარია, რომ კიდევ ერთი ლეგენდა შემოუერთდა გრანდ ავენიუს. თქვენ იცით, რომ ჩვენი ინვესტორები არიან გიორგი მამარდაშვილი და თორნიკე შენგელია, ასევე უკვე 7 წელზე მეტია ზაზა ფაჩულია არქის პარტნიორი გახლავთ. ამ თანავარსკვლავეთში ხვიჩას დამატება კიდევ ერთხელ უსვამს ხაზს გრანდ ავენიუს მასშტაბურობას.“ — განაცხადა არქის გენერალურმა დირექტორმა, შიო ხეცურიანმა.

ინფორმაციისთვის: Grand Avenue არის პროექტი, რომელიც თბილისში, დინამოს სტადიონთან ახლოს, ც. დადიანის ქუჩაზე მდებარეობს. აქ უმაღლესი დონის საცხოვრებელ კომპლექსებთან ერთად, გათვალისწინებულია ყოვლისმომცველი ინფრასტრუქტურის მოწყობა, თანამედროვე არქიტექტურა და ლანდშაფტის დიზაინი, 11 ჰექტარი გამწვანებული სივრცე, მეგა ჯიმი, პადელ ცენტრი, ჩოგბურთის კორტები, კალათბურთისა და ფეხბურთის მოედნები, 36 მეტრიანი შიდა და გარე აუზი — ყველაფერი კომფორტული ცხოვრებისთვის, მუშაობისა და განტვირთვისთვის.