"როდის გარიცხავს ლელო ტერორისტული აქტის ჩამდენს საკუთარი რიგებიდან?", — ამის შესახებ სოციალურ ქსელში ოცნების პარლამენტის თავმჯდომარე შალვა პაპუაშვილი წერს. მისი თქმით, "იგივე კითხვა მიემართება ALDE-ს — ტერორისტის წევრად ყოლა და ევროპა რამდენად თავსებადია?"

"ახლა არის მარტივი კითხვა — როდის გარიცხავს ლელო ტერორისტული აქტის ჩამდენს საკუთარი რიგებიდან? იგივე კითხვა მიემართება ALDE-ს — ტერორისტის წევრად ყოლა და ევროპა რამდენად თავსებადია?", — წერს პაპუაშვილი.

ძლიერი საქართველო — ლელოს ერთ-ერთი ლიდერი ალეკო ელისაშვილი 29 ნოემბერს დააკავეს. შინაგან საქმეთა სამინისტროს ინფორმაციით, მან 29 ნოემბერს, დილით, თბილისის საქალაქო სასამართლოს კანცელარიის შენობის დაწვა სცადა.

პროკურატურამ ალეკო ელისაშვილს ბრალი 30 ნოემბერს წარუდგინა. უწყების მიერ გავრცელებულ ინფორმაციაში წერია, რომ პოლიტიკოსს ბრალი "თბილისის საქალაქო სასამართლოში ტერორისტული აქტის ჩადენის მცდელობის ფაქტზე" წარედგინა. ელისაშვილი ფაქტს ადასტურებს, მაგრამ ბრალს არ აღიარებს.

1-ელ დეკემბერს თბილისის საქალაქო სასამართლომ ალეკო ელისაშვილს წინასწარი პატიმრობა შეუფარდა.

მეტი ალეკო ელისაშვილის საქმეზე: