საქართველოს მეხუთე პრეზიდენტი, სალომე ზურაბიშვილი მოქალაქეებს მოუწოდებს, რომ 28 ნოემბრის აქციაში მონაწილეობა მიიღონ.

ის სოციალურ ქსელში წერს, რომ ერთი წლის თავზე მას შემდეგ, რაც ქართული ოცნების მთავრობამ შეაჩერა ევროკავშირთან მოლაპარაკებების პროცესი, დღეს, 28 ნოემბერს "კიდევ უფრო მედგრად უნდა დავდგეთ, რათა ერთმანეთი გავაძლიეროთ!"

"ჩემი, შენი, ჩვენი, თქვენი დღეა!

28 ნოემბერს, ერთი წლის მერე, კიდევ უფრო მედგრად — ერთად დავდგეთ უნდა, რათა ერთმანეთი გავაძლიეროთ!

ჩვენი არჩევანი უცვლელი და მყარია:

საქართველო რუსეთს არ დაემონება! ევროპის გზას ვერ ჩაგვიკეტავს რეჟიმი! ვირჩევთ ევროპულობას, ესე იგი მშვიდობას, თავისუფლებასა და დამოუკიდებელ სახელმწიფოს ძლიერ ინსტიტუტებით გამყარებულს.

ვერავინ დაამარცხებს ამ მიზნის ირგვლივ გაერთიანებულ ჩვენ საზოგადოებას, ჩვენი ხალხის უშიშარ ძალასა და თავისუფლების ჟინს!", — წერს სალომე ზურაბიშვილი სოციალურ ქსელში.