ჰონგ-კონგის ადმინისტრაციულ რეგიონში, ტაი პოში, მაღალსართულიან საცხოვრებელ კომპლექსში ხანძრის შედეგად გარდაცვლილთა რიცხვი 65-მდე გაიზარდა. ამის შესახებ ინფორმაციას BBC ავრცელებს.

მათივე ცნობით, 300 ადამიანი დაკარგულად ითვლება.

ჰონგ-კონგის ლიდერის თქმით, ხანძარი, რომელმაც ოთხშაბათს ტაი პოს რაიონში რვა საცხოვრებელი კორპუსიდან შვიდი გაანადგურა, ახლა "ძირითადად კონტროლს ექვემდებარება“.

ბოლო მონაცემებით, საცხოვრებელ კომპლექსში დაახლოებით 4600 ადამიანი ცხოვრობდა. გაურკვეველია, რამდენი იმყოფებოდა შიგნით ხანძრის გაჩენის დროს.

მედიაში გავრცელებული ცნობით, მომხდართან დაკავშირებით, პოლიციამ სამი ეჭვმიტანილი დააკავა, მათ შორის რემონტისთვის პასუხისმგებელი სამშენებლო კომპანიის ორი აღმასრულებელი დირექტორი და კონსულტანტი ინჟინერი. მათ ბრალი ედებათ გაუფრთხილებლობით სიკვდილის გამოწვევაში.

ითვლება, რომ ხანძრის სწრაფი გავრცელება გაამწვავა ბამბუკის ხარაჩოებმა და პლასტმასის ქაფმა, რომელიც ფანჯრების მოსაპირკეთებლად გამოიყენეს.

ჩინეთის პრეზიდენტმა, სი ძინპინმა, ჰონგ-კონგის მთავრობას მიუსამძიმრა მრავალრიცხოვანი მსხვერპლის გამო და ჰონგ-კონგისა და მაკაოს საქმეთა ოფისს ხანძრის შემდეგ დაზარალებულებს დაეხმარონ.

ეს ხანძარი ჰონგ-კონგში ბოლო 70 წლის განმავლობაში ყველაზე დამანგრეველი იყო.