ნინო წილოსანი: 2008 წლის უმძიმესი ომის პროცესებს გარკვეული სათავე დაუდო NATO-ს სამიტის ფარგლებში გაჟღერებულმა პოზიციამ, რომ საქართველოს NATO-ში მიღების პროცესი აქტუალური იყო

25 Nov. 2025, 16:48

საქართველო-NATO-ს ურთიერთობაში ვისაც შემაშფოთებელი აქვს რაიმე საფუძველი, ეს არის საქართველო, რომელმაც რეალურად, სამწუხაროდ, ვერანაირად ვერ იგრძნო NATO-ს ქოლგა და მხარდაჭერა. ეს დაწყებული, თუნდაც 2008 წლის უმძიმესი ომის დღეებიდან, როდესაც ფაქტიურად ამ პროცესებს გარკვეული სათავე დაუდო NATO-ს სამიტის ფარგლებში გაჟღერებულმა პოზიციამ, რომ საქართველოს NATO-ში მიღების პროცესი აქტუალური იყო, რამაც დააპროვოცირა სწორედ ის რუსული აგრესია, რომლის შედეგადაც ჩვენ ოკუპირებულ ტერიტორიებს მიემატა სხვადასხვა სოფლები და ჩვენი მოქალაქეები და სამხედროები დაიღუპნენ და ამის ფონზე ჩვენ ვხედავთ, რომ ამდენი წლის განმავლობაში, საქართველო ფაქტობრივად, ღია კარში დგას და ნატოში არ უშვებენ. სამაგიეროდ, ასეთ უსამართლო განცხადებებს აკეთებენ საქართველოსთან მიმართებით. საქართველო არის გამორჩეული ასპირანტი ქვეყანა ნატოს ფარგლებში. ჩვენი კონტრიბუცია, ჩვენი ჯარისკაცების სიცოცხლის გაწირვის ფასად რაც გვიჯდებოდა, განსაკუთრებით აღსანიშნი უნდა ყოფილიყო თავად გენერალური მდივნის მხრიდან. თუმცა არა, ამ შემთხვევაში, აღნიშვნის ღირსად ჩათვალეს სახელმწიფო გადატრიალებასთან დაკავშირებული აქციები, სადაც პოლიცია საკმაოდ სამართლიანად და ლეგიტიმური ძალის გამოყენების ფარგლებში ახდენდა რეაგირებას. ეს იმ ქვეყნების შემხედველი, სადაც ვხედავთ, როგორ ცხვირ-პირს ალეწავენ პროპალესტინური აქციის მონაწილეებს. ამის ფონზე, ნამდვილად გასაკვირია ვინმეს მხრიდან შეშფოთება, ან რაღაც ნეგატიური პოზიციის გამოხატვა საქართველოსთან მიმართებით. სამწუხაროდ, კიდევ ერთხელ უსამართლობის განცდა უჩნდება საქართველოს ნებისმიერ მოქალაქეს, როდესაც ამ მოცემულობას ხედავს"

ბოლო ამბები:

კომენტარები

კვირის ტოპ-5

გირჩევთ

ახლა კითხულობენ

თამუნა მუსერიძე Nagroda Korczaka-ს პირველი ქართველი გამარჯვებული გახდა