"ქართული ოცნების შემომწირველების ტენდერებში გამარჯვებასთან დაკავშირებით დასმული კითხვის საპასუხოდ კახა კალაძემ განაცხადა, რომ ქვეყანაში ბიზნესსექტორის წარმომადგენლების 99% ქართული ოცნების შემომწირველია. მისივე თქმით, არ უნდა გვიკვირდეს, რომ იმ პოლიტიკას, რომელსაც ქართული ოცნება ახორციელებს ბიზნეს სექტორის წარმომადგენლები ეხმარებიან და თანხის შემოწირულებებს აკეთებენ.

"დღეს ქვეყანაში ზოგადად ბიზნესი თავისუფალია, ეს აბსოლუტურად ყველა მიმართულებას ეხება. ბიზნესი, რომელიც სააკაშვილს ჯიბეში ედო და უდიდესი ტერორის ქვეშ იყო, დღეს არის სრულად თავისუფალი. ის, რომ ქვეყანა ვითარდება, ეკონომიკურად წინ მივდივართ, რა თქმა უნდა, ძალიან დიდი როლი აქვს ამ ყველაფერში ბიზნესს. რატომ გიკვირთ, რომ იმ პოლიტიკას, რომელსაც ქართული ოცნება — დემოკრატიული საქართველო ახორციელებს, აღნიშნული კომპანიები, ბიზნეს სექტორის სხვა წარმომადგენლები ეხმარებიან და თანხის შემოწირულებებს აკეთებენ, რა არის ამაში ცუდი? ნახეთ როგორ ხდება აშშ-ში, ჩვეულებრივი პროცესია. იგივე პროცესია, კონკურენცია. ვინც საუკეთესო წინადადებას წარმოადგენს, გამარჯვებული არის ის. ქვეყანაში ბიზნესსექტორის წარმომადგენლების 99% არის ქართული ოცნების შემომწირველი. ეს შემთხვევითი კი არ არის? უნდა გაიაზროთ, გაანალიზოთ რატომ? პასუხი არის მარტივი, როდესაც თქვენ ხელისუფლებაში იყავით, გეტყვით როგორ იყო, თუ გაიაზრებ ამას და მიხვდები", — თქვა კალაძემ (კომენტარს IPN ავრცელებს).