ფეისბუკმომხამარებელი, ვანო მაისურაძე სოციალური ქსელით ინფორმაციას ავრცელებს, რომ მძღოლის გარეშე, ხალხით სავსე ხაზის ავტობუსი გლდანში დაგორდა და რამდენიმე ავტომობილი დააზიანა.

"ბეწვზე გადარჩნენ, სანამ ძალიან დიდ სიჩქარეს აკრეფდა დაღმართზე, მანამდე შეუვარდა ერთ-ერთი მანქანა ქვეშ და ინერცია შეანელა. ეს მანქანა მოსახვევიდან გამოდიოდა და უნებლიედ მთელი ავტობუსი გადაარჩინა. მერე უკვე, ეტყობა, მეორე ავტობუსის მძღოლი მიხვდა, რაც ხდებოდა და უკნიდან დაარტყა და გააჩერა, იმანაც სავსე ავტობუსით", - აცხადებს მოქალაქე.

საქართველოს შინაგან საქმეთა სამინისტროში On.ge-ს ავტოსაგზაო შემთხვევის შესახებ ინფორმაცია დაუდასტურეს და განუმარტეს, რომ ავტოსაგზაო შემთხვევაში მონაწილე მძღოლი ადმინისტრაციული წესით დაჯარიმდება. უწყებაში განმარტავენ, რომ ავტოსაგზაო შემთხვევის დროს არავინ დაზიანებულა.